Como novo Comisionado da Transparencia, e en nome dos integrantes da nova Comisión de Transparencia de Galicia, quero agradecer a súa visita á nosa sede virtual. Abrimos esta xanela ao público para dar a coñecer a nova etapa que se inicia no órgano colexiado independente encargado de que as administracións respecten o dereito de acceso á información pública que ten toda a cidadanía

O traslado do Comisionado da Transparencia e da Comisión da Transparencia de Galicia desde a Valedora do Pobo ao Consello Consultivo de Galicia, a través da Presidencia do máximo órgano consultivo, responde a unha modificación legal, aprobada no Parlamento de Galicia e publicada no Diario Oficial de Galicia (DOG).

O Comisionado da Transparencia e a Comisión da Transparencia actuarán con separación das súas funcións respecto das outras que lle correspondan ao Consello Consultivo de Galicia, aínda que contarán cos medios persoais e materiais asignados a esta institución.

En maio de 2026 remata unha etapa de dez anos e comeza outra, recollemos as aprendizaxes e a experiencia dos que nos precederon e afrontamos a responsabilidade de axilizar e reforzar a garantía xurídica das resolucións da Comisión da Transparencia de Galicia para, desde o rigor técnico e xurídico, velar polos dereitos das persoas no acceso á información.

Grazas por confiar en nós.

Andrés Lago Louro

Comisionado da Transparencia e presidente do Consello Consultivo de Galicia