Que é
A Comisión da Transparencia de Galicia é un órgano colexiado independente, creado na Lei 1/2016, do 18 de xaneiro, de transparencia e bo goberno, cuxa función é a resolución das reclamacións fronte ás resolucións de acceso á información pública. Deste xeito, cando unha persoa dirixe unha solicitude de acceso a unha entidade pública e esta non a atende ou non dá unha resposta axeitada, a persoa interesada pode reclamar ante esta Comisión.
Nunha primeira etapa a Comisión da Transparencia estivo adscrita á institución do/a Valedor/a do Pobo, xa que o/a seu/súa titular tiña atribuídas as funcións do Comisionado da Transparencia.
Tras a modificación da Lei 1/2016, do 18 de xaneiro, operada a través da Lei 5/2025, do 23 de decembro, de medidas fiscais e administrativas, a Comisión da Transparencia de Galicia segue a configurarse como un órgano colexiado independente, pero a partir do 1 de maio de 2026 pasa a estar adscrita ao Consello Consultivo de Galicia, ao tempo que a Presidencia de este Consello asume as funcións do Comisionado da Transparencia.
