O DOG publica a nova composición da Comisión da Transparencia de Galicia
Santiago de Compostela, 25 de maio de 2026.- A Comisión da Transparencia de Galicia, órgano colexiado independente e adscrita desde o 1 de maio de 2026 ao Consello Consultivo de Galicia, fai efectiva a incorporación dos integrantes en representación da Comisión Interdepartamental de Información e Avaliación da Xunta de Galicia, do Consello de Contas de Galicia e da Federación de Municipios e Provincias de Galicia (Fegamp).
O Diario Oficial de Galicia (DOG) publica hoxe a Resolución do 20 de maio de 2026, pola que se nomean os membros da Comisión da Transparencia creada pola Lei 1/2016, do 18 de xaneiro, de transparencia e bo goberno e que implica a súa adaptación a lo previsto por la modificación dos apartados 1 e 2 do artigo 33, segundo o previsto na Lei 5/2025, do 23 de decembro, de medidas fiscais e administrativas.
Deste xeito, a presidencia da Comisión da Transparencia de Galicia pasa a estar ocupada polo titular do Consello Consultivo de Galicia, Andrés Lago Louro, quen asume o Comisionado da Transparencia.
O órgano colexiado está composto por tres vogais: un en representación da Comisión Interdepartamental de Información e Avaliación da Xunta de Galicia, outro polo Consello de Contas e outro máis pola Fegamp; e por un secretario ou secretaria, que será un letrado ou unha letrada ao servizo do Consello Consultivo de Galicia. A persoa que exerza as funcións de secretario ou secretaria terá voz e voto.
NOVA COMPOSICIÓN
De acordo co procedemento previsto, o Pleno do Consello Consultivo de Galicia aprobou o pasado 6 de maio do 2026 a designación la letrada Ana Mª López Guizán como secretaria titular da Comisión da Transparencia e do letrado José Ángel Oreiro Romar como suplente.
Asemade, en relación cos tres vogais da Comisión recibíronse as correspondentes propostas polas entidades implicadas. De tal xeito que, pola Comisión Interdepartamental de Información e Avaliación da Xunta de Galicia, o titular é o director xeral de Simplificación Administrativa e do Patrimonio, José Maria Barreiro Díaz, e como suplente foi elexida a auditora Patricia Brión Cabanelas.
Pola súa banda, a proposta o Consello de Contas designou como representantes a Manuel Santana Suárez e María Isabel García Garrido, como titular e suplente, respectivamente. No caso da Fegamp, a súa representación foi asignada a Xosé Manuel Rodríguez Méndez, como titular, e a Antonio Fernández Angueira, como suplente.
A Comisión da Transparencia de Galicia constituirase formalmente mañá, coa celebración da sesión de análise de reclamacións prevista para maio de 2026.
