A institución do Valedor do Pobo recibe o recoñecemento da Asociación Transparencia Pública á defensoría máis transparente de España segundo o ranking Dyntra (Dynamic Transparency Index). A valedora do pobo, Milagros Otero, será a encargada de recibir o premio en nome da institución, que foi galardoada por cumprir 42 dos 67 indicadores avaliados por esta entidade.

A entrega do galardón ten lugar no Salón de Graos da Facultade de Dereito da Universidade de Santiago onde se celebra a xornada “A transparencia pública na Comunidade Autónoma de Galicia” organizada pola Asociación Transparencia Pública, a Universidade de Santiago e Dyntra.

A valedora do pobo, Milagros Otero Parga, participacomo relatora nunha das mesas de traballo acerca dos retos da transparencia na sociedade, en concreto no eido municipal, na que tamén intervirán os alcaldes de A Coruña, Pontevedra e Ourense e o presidente de Transparencia Pública.

Durante as xornadas se dará a coñecer o estudo “La Transparencia Pública en la Comunidad Autónoma de Galicia”, que evaluou a transparencia dos municipios con máis de 15.000 habitantes por medio de 147 indicadores.

Xunto co galardón outorgado ao Valedor do Pobo como defensor máis transparente de España, concederanse recoñecementos ao Consello de Contas e aos concellos de A Coruña, Pontevedra e Ourense, como os máis transparentes da rexión.

No ranking Dyntra, o Valedor do Pobo ocupa o primeiro lugar na clasificación de defensorías, seguido polo defensor andaluz, o Diputado del Comín de Canarias e o Síndic de Greuges de Cataluña, que lideran a lista elaborada coas dez institucións do ombudsman existentes en España.