Reclamante: Expediente. Nº RSCTG 090/2017 ASUNTO: Resolución da Comisión da Transparencia de Galicia na reclamación presentada ao amparo da disposición adicional quinta da lei 1/2016, do 18 de xaneiro, de transparencia e bo goberno En resposta á reclamación presentada por en nome e representación , mediante escrito do 24 de outubro de 2017, a Comisión da Transparencia, considerando os antecedentes e fundamentos xurídicos que se especifican a continuación, adopta a seguinte resolución: ANTECEDENTES Primeiro. en nome e representación presentou, mediante escrito con entrada no rexistro do Valedor do Pobo o día 24 de outubro de 2017, unha reclamación ao amparo do disposto na disposición adicional quinta da Lei 1/2016, do 18 de xaneiro, de transparencia e bo goberno, por entender desestimada da unha solicitude de acceso á información por parte do Concello de Cangas do Morrazo. O interesado indicaba que o 21 de xuño de 2017 solicitara copia do expediente urbanístico de data de 21 de xaneiro de 2016 no cal é parte interesada. O escrito mencionaba que existía un procedemento xudicial en curso e recollía por unha parte a petición dun expediente urbanístico e doutra unha resolución da alcaldía sobre a retirada dunhas pedras colocadas na rúa Atranco. Á vista destas e outras peculiaridades do escrito, acordouse, previa á iniciación realizar unha solicitude de mellora e emenda da solicitude de acordo coa Lei 39/2015, do 1 de outubro. O escrito foi notificado o 18 de outubro de 2017. de 2016 de Bernardino Faro para que a Policía informe dos obstáculos colocados na rúa, resolución da alcaldía ordeando a retirada das pedras e os datos relativos á petición de 16 de xuño de 2016 que non se corresponden coa información requirida por esta comisión, da que se lle remitíu copia ao concello o 31 de outubro de 2017 instando ao concello a que informase sobre a petición de 21 de xuño de 2017. FUNDAMENTOS XURÍDICOS Primeiro. Competencia e normativa O artigo 24 da Lei 19/2013, do 9 de decembro, de transparencia, acceso á información pública e bo goberno, de carácter básico na súa práctica totalidade, establece que contra toda resolución expresa ou presunta en materia de acceso poderá interpoñerse unha reclamación ante o Consejo de Transparencia y Buen Gobierno, con carácter potestativo e previa a súa impugnación en vía contencioso-administrativa. Esa mesma lei, na súa disposición adicional cuarta, establece que a resolución da reclamación prevista no artigo 24 corresponderá, nos supostos de resolucións ditadas polas Administracións das Comunidades autónomas e o seu sector público, e polas Entidades Locais comprendidas no seu ámbito territorial, ao órgano independente que determinen as Comunidades Autónomas. A lexislación aplicable a este procedemento vén configurada pola citada Lei 19/2013, do 9 de decembro, e pola Lei 1/2016, do 18 de xaneiro xunto coa lexislación básica en materia de procedemento administrativo. O artigo 28 da Lei 1/2016, do 18 de xaneiro, establece que contra toda resolución expresa ou presunta en materia de acceso á información pública poderá interpoñerse unha reclamación perante o Valedor do Pobo; e o artigo 33 da mesma lei indica que corresponde á Comisión da Transparencia (órgano colexiado) a resolución das reclamacións fronte ás resolucións de acceso á información pública que establece o seu artigo 28. A disposición adicional quinta da lei establece que resolver esas reclamacións corresponderá, no suposto de resolucións ditadas polas entidades locais de Galicia, ao Valedor do Pobo, ao que adscríbese a Comisión da Transparencia, que por tanto é a competente para resolver. Segundo. Procedemento aplicable O artigo 28.3 da Lei 1/2016, do 18 de xaneiro preceptúa que o procedemento se axustará ao previsto nos números 2, 3, e 4 do artigo 24 da Lei 19/2013, do 9 de decembro. Esta lei 19/2013, do 9 de decembro, sinala que estamos ante unha reclamación con carácter potestativo e previa á impugnación en vía contencioso-administrativa e que se axustará na súa tramitación ao disposto na lexislación de procedemento administrativo común en materia de recursos. Terceiro. Dereito de acceso á información pública A Lei 1/2016, do 18 de xaneiro, recoñece no seu artigo 24 o dereito de todas as persoas a acceder á información pública, entendida como “os contidos ou documentos, calquera que sexa o seu formato ou soporte, que consten en poder dalgún dos suxeitos incluídos no ámbito de aplicación desta lei e que fosen elaborados ou adquiridos en exercicio das súas funcións”. O artigo 12 da Lei 19/2013, do 9 de decembro, configura o dereito de acceso á información pública de forma ampla, sendo titulares do mesmo todas as persoas. A Lei 1/2016, do 18 de xaneiro, sinala que o solicitante non está obrigada a motivar a súa solicitude de acceso á información (artigo 26.4). Cuarto. Análise do expediente Pola documentación achegada polo reclamante consta a presentación no Concello de Cangas, no portelo único, o 21 de xuño de 2017 dunha solicitude de expedientes administrativos a que se refiren os documentos que achega o interesado. Estes documentos son a acta da sesión ordinario da xunta de goberno local do 25 de xaneiro de 2016, a petición ca comunidade de propietarios do 6 de outubro de 2015 e a resolución da alcaldía do 17 de marzo de 2016 en relación á retirada en dous días das pedras colocadas na rúa O Concello informa que hai un expediente con número 1629/2017 e que lle foi achegado o 20 de xuño de 2017, relacionándoo coa petición de data de entrada 16 de xuño de 2017, pero do expediente se observa que a solicitude a que o concello fai referencia ten claramente data de entrada de 16 de xuño de 2016 na que se solicita o expediente 71/16 e que se recibe o 20 de xuño de 2016 e a carta de pago é igualmente de 20 de xuño de 2016 e non está perfectamente determinado que documentos pagan esas taxas. A documentación reclamada ao concello se refería aos expedientes de colocación de pivotes na rúa , na rúa en relación a orde de inmediata retirada das pedras colocadas na rúa presentou varias solicitudes ante o Concello de Cangas, todas as que se relacionan con esta reclamación, constan presentadas no Rexistro Portelo Único do Concello de Cangas, sen que isto dera lugar a ningúnha problemática durante a tramitación. O Concello confunde a petición porque tanto a solicitude de xuño de 2016 como a do ano 2017, tamén de xuño teñen o mesmo fondo. Pero mentras que no ano 2016 o reclamante solicitaba o expediente 71/16, neste caso solicitaba os documentos indicados no paragrafo anterior. A ausencia de informe do Concello impide coñecer se a documentación requirida afecta a algún límite dos establecidos nos artigos 14 e 15 da Lei 19/2013, do 9 de decembro, por tanto o concello deberá analizar se é posible a entrega da información respectando tales límites e achegará a información requirida polo agora reclamante. En conclusión, a Comisión da Transparencia ACORDA En atención aos anteriores antecedentes, fundamentos xurídicos, procede Primeiro: Estimar a reclamación presentada por en nome e representación de con data 4 de outubro de 2017, contra a denegación por silencio do Concello de Cangas. Segundo: Instar ao Concello de Cangas, a que, no prazo máximo de 15 días hábiles, se responda á petición de información solicitada, respectando os límites dos artigos 14 e 15 da Lei 19/2013, do 9 de decembro, e o artigo 22 da mesmo lei, no que fai á formalización do acceso. Terceiro: Instar ao Concello de Cangas, a que, no prazo máximo de 15 días hábiles, remita a esa Comisión da Transparencia copia do envío e a recepción da información solicitada polo reclamante. Contra esta resolución, que pon fin á vía administrativa, unicamente cabe, en caso de desconformidade, interpoñer recurso contencioso-administrativo, no prazo de dous meses, contados desde o día seguinte á notificación desta resolución, de conformidade co previsto no artigo 8.3 a Lei 29/1998, do 13 de xullo, reguladora da xurisdición contencioso- administrativa. Santiago de Compostela, 31 de xaneiro de 2018 A presidenta da Comisión da Transparencia Milagros Otero Parga