Reclamante: 

Expediente. Nº RSCTG 72/2017 



 

 

 

ASUNTO: Acordo da Comisión da Transparencia de Galicia sobre a reclamación presentada ao 
amparo do artigo 28 da lei 1/2016, do 18 de xaneiro, de transparencia e bo goberno 

En resposta á reclamación presentada por mediante escrito do 7 
de xullo de 2017 á Comisión da Transparencia, considerando os antecedentes e fundamentos 
xurídicos que se especifican a continuación, adopta o seguinte acordo: 

ANTECEDENTES 

Primeiro. presentou, mediante escrito con entrada no rexistro 
do Consejo de Transparencia y Buen Gobierno (CTBG) o 2-7-17, unha reclamación na que 
sinala que a Mancomunidade Santa Águeda (Ourense) non respondeu á súa solicitude de 
información. O consejo remitiu ao Valedor do Pobo a reclamación. 

A reclamación menciona que a solicitude se facía en base, entre outras normas, á lei 
19/2013, e resalta a súa condición de interesado. 

A solicitude de información é de 17-3-17 e consistiu no seguinte: 1°.- … certificación referida 
a la fecha de la finalización del desempeño de la función de secretario de la mancomunidad 
Santa Águeda por el firmante… así como sobre el desempeño, si fuere el caso, de alguna otra 
función en fechas posteriores al 1/04/2015. 2°- … copia de la resolución o acuerdo, posterior 
al 1/04/2015, mediante lo que se decide modificar el sistema rotatorio establecido para lo 
desempeño de las funciones de secretaría e intervención de la mancomunidad... 3°- …copia 
de la resolución o acuerdo de algún órgano de la mancomunidad Santa Águeda, mediante 
el que se presentó recurso … contra la Resolución del 14/12/2015, de la Dirección General 
de Administración Local, por la que se crea y se clasifica un puesto de trabajo reservado a 


funcionarios/las con habilitación de carácter nacional en la Mancomunidad de 
Ayuntamientos Santa Águeda (DOG núm. 12 del 20/01/2016), o mediante el que se le 
solicita a la Xunta de Galicia la exención del deber de mantenimiento de las plazas de 
secretaría y de intervención, en aplicación de lo establecido en el artículo 18 de los vigentes 
estatutos y en el artículo 4.2. del 1732/1994 antes citado, haciendo constar si, en el periodo 
en que esto era jurídicamente posible … el firmante desempeñaba algún tipo de función en 
la mancomunidad. 4°- … copia de la resolución dictada o acuerdo adoptado por algún órgano 
de la mancomunidad, referidos a las alegaciones formuladas a la convocatoria del concurso 
de habilitados de carácter nacional, convocado en el año 2016, que incluye una plaza de 
habilitado de carácter nacional de la mancomunidad. 

Segundo. O 10-7-17 déuselle traslado da documentación achegada polo interesado á 
mancomunidade para que, en cumprimento da normativa de transparencia, achegara 
informe e copia completa e ordenada do expediente. Non se recibiu. Transcorrido o prazo 
para iso continúase o curso do procedemento sen ambas cousas. 

Terceiro. O 10-7-17 requiriuse ao recorrente que acreditara a autenticidade da súa vontade, o 
que fixo, con entrada o 19-7-17, aportando o seu DNI. 

FUNDAMENTOS XURÍDICOS 

Primeiro. Competencia e normativa 

A lexislación aplicable a este procedemento ven configurada pola lei 19/2013, de 9 de 
decembro, de transparencia, acceso á información pública e bo goberno (estatal), e pola Lei 
1/2016, de 18 de xaneiro, de transparencia e bo goberno, xunto coa lexislación básica en 
materia de procedemento administrativo. 

O art. 24 da lei 19/2013, do 9 de decembro, de carácter básico na súa práctica totalidade, 
establece que contra toda resolución expresa ou presunta en materia de acceso poderá 
interpoñerse unha reclamación ante o Consejo de Transparencia y Buen Gobierno, con 
carácter potestativo e previa a súa impugnación en vía contencioso-administrativa. Esa 
mesma lei, na súa disposición adicional cuarta, establece que a resolución da reclamación 
prevista no art. 24 corresponderá, nos supostos de resolucións ditadas polas Administracións 
das Comunidades autónomas e o seu sector público, e polas Entidades Locais comprendidas 
no seu ámbito territorial, ao órgano independente que determinen as Comunidades 
Autónomas. 

O art. 28 da lei 1/2016, do 18 de xaneiro, establece que contra toda resolución expresa ou 
presunta en materia de acceso á información pública poderá interpoñerse unha reclamación 
perante o Valedor do Pobo. O art. 33 da mesma lei indica que corresponde á Comisión da 
Transparencia (órgano colexiado) a resolución das reclamacións fronte ás resolucións de 
acceso á información pública que establece o seu art. 28. A disposición adicional quinta da lei 
establece que corresponderá resolver esas reclamacións, no suposto de resolucións ditadas 


polas entidades locais de Galicia, ao Valedor do Pobo, ao que adscríbese a Comisión da 
Transparencia, que por tanto é a competente. 

Segundo. Procedemento aplicable 

O art. 28.3 da Lei 1/2016, de 18 de xaneiro, preceptúa que o procedemento se axustará ao 
previsto nos números 2, 3, e 4 do art. 24 da lei 19/2013, de 9 de decembro. Esta lei identifícao 
como unha reclamación con carácter potestativo e previa á impugnación en vía contencioso-
administrativa. Se axustará na súa tramitación ao disposto na lexislación de procedemento 
administrativo común en materia de recursos. 

Terceiro. Dereito de acceso á información pública 

A lei 1/2016, de 18 de xaneiro, recoñece no seu art. 24 o dereito de todas as persoas a 
acceder á información pública, entendida como “os contidos ou documentos, calquera que 
sexa o seu formato ou soporte, que consten en poder dalgún dos suxeitos incluídos no ámbito 
de aplicación desta lei e que fosen elaborados ou adquiridos en exercicio das súas funcións”; é 
a mesma definición da información pública que se contén no art. 13 da Lei 19/2013, de 9 de 
decembro. 

Tanto o concepto de información pública como o dereito de acceso á mesma se configuran de 
forma ampla na normativa autonómica e estatal. Os titulares do dereito son todas as persoas 
e o solicitante non está obrigado a motivar a súa solicitude de acceso á información (art. 26.4 
Lei 1/2016, de 18 de xaneiro). 

A lei 19/2013, de 9 de decembro, ten por obxecto “ampliar e reforzar a transparencia da 
actividade pública” e “regular e garantir o dereito de acceso a información relativa a aquela 
actividade” (art. 1). No seu preámbulo sinala que “a transparencia, o acceso á información 
pública e as normas de bo goberno deben ser os eixos fundamentais de toda acción política. 
Só cando a acción dos responsables públicos sométese a escrutinio, cando os cidadáns poden 
coñecer como se toman as decisións que lles afectan, como se manexan os fondos públicos 
ou baixo que criterios actúan as nosas institucións poderemos falar do inicio dun proceso no 
que os poderes públicos comezan a responder a unha sociedade que é crítica, esixente e que 
demanda participación dos poderes públicos”. 

A Lei galega 1/2016, de 18 de xaneiro, sinala na súa Exposición de Motivos que “a crecente 
exixencia cidadá de control público da actuación das administracións” aconsella a aprobación 
do texto, e resalta a superación dos anteriores estándares (“avanzar nos pasos dados pola 
lexislación previa e de os superar”), o que se concreta nun texto legal que establece 
esixencias engadidas de transparencia e acceso á información pública. 

Cuarto. Prazo 

O art. 24.2 da Lei 19/2013, do 9 de decembro, establece que a reclamación se interporá no 
prazo dun mes a contar desde o día seguinte ao da notificación do acto impugnado. Non se 
deu resposta expresa no prazo para resolver e antes do recurso, polo que a reclamación 


contra o acto presunto (desestimación por silencio negativo, art. 27.5 da Lei 1/2016, de 18 de 
xaneiro) debe considerase en prazo. 

Quinto. Análise xeral 

O recorrente solicitou unha certificación sobre a finalización das súas funcións como 
secretario e outras na mancomunidade, e copias dos actos de modificación do sistema 
rotatorio para da secretaría e intervención da mancomunidade, do acto de interposición do 
recurso contra a resolución da Dirección Xeral de Administración Local da Xunta de Galicia 
pola que se crea e clasifica un posto de funcionario con habilitación nacional na 
mancomunidade ou no que solicita á xunta a exención do deber de mantemento das prazas 
de secretaría e intervención, e das alegacións á convocatoria do concurso de habilitados de 
2016 no que inclúe a praza de habilitado da mancomunidade. 

Co exame do aportado deducimos que o reclamante non promoveu de forma expresa e clara 
un recurso ante a resolución presunta (desestimación por silencio negativo, art. 27.5 da Lei 
1/2016, de 18 de xaneiro). Porén, reclamou a información en base á normativa de 
transparencia e posteriormente sinala que denuncia a falta de resposta á solicitude de 
información, o que dirixe ao CTBG (Administración Xeral do Estatal) para que o dirixa ao 
Valedor do Pobo, o que debe interpretarse no senso de que a súa intención é impugnar a 
denegación presunta da información solicitada (o CTBG e o Consello da Transparencia, 
adscrito ao valedor, coñecen os recursos indicados no fundamento 1º). 

Algúns das informacións reclamadas encaixan no concepto de información pública do art. 13 
da Lei 19/2013, de 9 de decembro: o acto de modificación do sistema rotatorio para as 
funcións dos dous funcionarios da mancomunidade, o recurso contra a resolución pola que se 
crea e clasifica un posto de funcionario nacional, e as alegacións formuladas á convocatoria 
de concurso que inclúe a praza da mancomunidade. Non parece entrar nese concepto a 
petición da certificación sobre o desempeño (finalización) das funcións como secretario (e 
outras) do reclamante, aínda que en calquera caso debería proporcionarse como mera 
información (sen prexuízo da confección do certificado, obxecto do correspondente 
procedemento específico). 

Polo ámbito material da información solicitada e tamén a falta de alegacións en contra do 
acceso (xustificación e ponderación) por parte da mancomunidade deducimos que non 
resulta afectado ningún límite legal ao dereito de acceso á información pública e que ese 
acceso resulta de interese, de acordo co art. 14.2 da Lei 19/2013, de 9 de decembro. Por 
tanto, a información debera entregarse nos termos indicados, sen prexuízo de disociar os 
datos que corresponda, en aplicación da normativa de transparencia. 

En conclusión, a Comisión da Transparencia 

ACORDA 

En atención aos anteriores antecedentes e fundamentos xurídicos procede 


Primeiro: Estimar a reclamación presentada por contra a 
denegación presunta da súa solicitude dirixida á Mancomunidade Santa Águeda. 

Segundo: Instar á mancomunidade a que no prazo máximo de 15 días hábiles responda á 
petición, proporcione a información solicitada (sen prexuízo das disociacións debidamente 
motivadas que procedan), e remita a esta Comisión da Transparencia copia do envío da 
información. 

Contra esta resolución, que pon fin á vía administrativa, unicamente cabe interpoñer recurso 
contencioso-administrativo, no prazo de dous meses, contados desde o día seguinte á 
notificación desta resolución, de conformidade co previsto no artigo 8.3 a Lei 29/1998, do 13 
de xullo, reguladora da xurisdición contencioso-administrativa. 

Santiago de Compostela, 20 de decembro de 2017 

A presidenta da Comisión da Transparencia 

 

 

Milagros María Otero Parga 

Valedora do Pobo