Reclamante: Expediente. Nº RSCTG 107/2017 Correo electrónico: ASUNTO: Resolución da Comisión da Transparencia de Galicia na reclamación presentada ao amparo da disposición adicional quinta da Lei 1/2016, do 18 de xaneiro, de transparencia e bo goberno En resposta á reclamación presentada por , en nome e representación de , mediante escrito do 20 de novembro de 2017, a Comisión da Transparencia, considerando os antecedentes e fundamentos xurídicos que se especifican a continuación, adopta a seguinte resolución: ANTECEDENTES Primeiro. presentou, mediante escrito con entrada no rexistro do Valedor do Pobo o día 20 de novembro de 2017, unha reclamación ao amparo do disposto na disposición adicional quinta da Lei 1/2016, do 18 de xaneiro, de transparencia e bo goberno, por entender desatendida unha solicitude de acceso á información por parte do Concello de Viveiro. O escrito viña acompañado dun escrito dirixido ao Concello de Viveiro con sinatura electrónica do 19 de outubro de 2017. Iniciado o expediente o 13 de decembro de 2017 recíbese informe do Concello de Viveiro, no que consta que existe unha resolución de 30 de novembro de 2017 e que a petición tivo entrada o 25 de outubro de 2017 no Concello. (nº Rex. Entrada 2017-E-RC-6740) Segundo O interesado achega unha petición extemporánea tendo en conta que: O prazo máximo para resolver e notificar ao solicitante a resolución que concede ou denegue o acceso é un mes dende a recepción da solicitude polo órgano competente para resolver. FUNDAMENTOS XURÍDICOS Primeiro. Competencia e normativa O artigo 24 da Lei 19/2013, do 9 de decembro, de transparencia, acceso á información pública e bo goberno, de carácter básico na súa práctica totalidade, establece que contra toda resolución expresa ou presunta en materia de acceso poderá interpoñerse unha reclamación ante o Consejo de Transparencia y Buen Gobierno, con carácter potestativo e previa a súa impugnación en vía contencioso-administrativa. Esa mesma lei, na súa disposición adicional cuarta, establece que a resolución da reclamación prevista no artigo 24 corresponderá, nos supostos de resolucións ditadas polas Administracións das Comunidades autónomas e o seu sector público, e polas Entidades Locais comprendidas no seu ámbito territorial, ao órgano independente que determinen as Comunidades Autónomas. A lexislación aplicable a este procedemento ven configurada pola citada Lei 19/2013 e pola Lei 1/2016, xunto coa lexislación básica en materia de procedemento administrativo. O artigo 28 da Lei 1/2016 establece que contra toda resolución expresa ou presunta en materia de acceso á información pública poderá interpoñerse unha reclamación perante o Valedor do Pobo; e o artigo 33 da mesma lei indica que corresponde á Comisión da Transparencia (órgano colexiado) a resolución das reclamacións fronte ás resolucións de acceso á información pública que establece o seu artigo 28. A disposición adicional quinta da lei establece que resolver esas reclamacións corresponderá, no suposto de resolucións ditadas polas entidades locais de Galicia, ao Valedor do Pobo, ao que adscríbese a Comisión da Transparencia, que por tanto é a competente. Segundo. Procedemento aplicable O artigo 28.3 da Lei 1/2016 preceptúa que o procedemento se axustará ao previsto nos números 2, 3, e 4 do artigo 24 da Lei 19/2013. Esta lei 19/2013 sinala que estamos ante unha reclamación con carácter potestativo e previa á impugnación en vía contencioso- administrativa e que se axustará na súa tramitación ao disposto na lexislación de procedemento administrativo común en materia de recursos. Terceiro. Prazos de interposición do recurso O artigo 24.2 da Lei 19/2013, do 9 de decembro, establece que a reclamación se interporá no prazo dun mes a contar desde o día seguinte ao da notificación do acto impugnado o desde o día seguinte a aquel no que se produzan os efectos do silencio administrativo. O artigo 116 d) da Lei de procedemento administrativo común das Administracións Públicas, de 1 de outubro, establece que será causa de inadmisión ter trascorrido o prazo para a interposición do recurso. O 30 de maio de 2017, a Comisión da Transparencia acordou en sesión ordinaria, por unanimidade, a aprobación do seguinte acordo: “Delegar na Presidencia as resolucións de inadmisión das reclamacións presentadas no exercicio do dereito de acceso á información pública que sexan extemporáneas, tanto porque son presentadas antes de que transcorra o prazo para resolver polo suxeito ao que se lle solicita, como por tratarse dunha reclamación na que ten transcorrido o prazo para dirixir o recurso ante a comisión.” Cuarto. Análise do expediente O reclamante apurou os prazos ata o límite, pois sendo a sinatura dixital do seu escrito de 19 de outubro de 2017 presentou a reclamación o 20 de novembro de 2017, sen ter en conta o procedemento administrativo común, que establece (artigo 30 da Lei 39/2015, do 1 de outubro) que os prazos computan dende o día seguinte ao da notificación e que por tanto o día 20 aínda era hábil para notificar a resolución. Igualmente, non se tivo en conta a data de entrada no Rexistro do Concello de Viveiro, que non é a da sinatura dixital (19 de outubro de 2017), se non o 25 de outubro de 2017, sendo esta data aquela que serve para o cómputo do prazo, tan como di o artigo 20. 1 da Lei 19/2013, do 9 de decembro, isto é, o prazo computa desde a recepción da solicitude polo órgano competente para resolver. En conclusión, a Comisión da Transparencia ACORDA En atención aos anteriores antecedentes, fundamentos xurídicos, procede Único: Inadmitir a reclamación presentada por , en nome e representación de con data de 20 de novembro de 2017, contra a denegación por silencio do Concello de Viveiro. Contra esta resolución, que pon fin á vía administrativa, unicamente cabe, en caso de desconformidade, interpoñer recurso contencioso-administrativo, no prazo de dous meses, contados desde o día seguinte á notificación desta resolución, de conformidade co previsto no artigo 8.3 a Lei 29/1998, do 13 de xullo, reguladora da xurisdición contencioso- administrativa. Santiago de Compostela, a 27 de decembro de 2017 A presidenta da Comisión da Transparencia Milagros Otero Parga